" class="quote-fb"> مميزات و عيوب و نصائح مهمة للعمل ككابتن اندرايفر (INDRIVER ) لعام 2022

القائمة الرئيسية

الصفحات

اكمل الموضوع للنهاية - ستجد مفاجـأة

مميزات و عيوب و نصائح مهمة للعمل ككابتن اندرايفر (INDRIVER ) لعام 2022

نصائح هامة جدا لكباتن اندرايفر الجدد و المميزات و العيوب التى من الممكن مواجهتها

مميزات و عيوب و نصائح مهمة للعمل ككابتن اندرايفر (INDRIVER ) لعام 2022


السلام عليكم اخوانى اعضاء موقع اسرة مصرية .. اليوم موعدنا من نصائح مهمة للعمل ككابتن مع شركة اندرايفر و بعض المميزات و العيوب و قد كان لنا الاولوية كاول موقع ثحدث عن شركة اندرايفر indriver من حيث السيارات المقبولة في اندرايفر و طريقة التسجيل من خلال موضوع التسجيل في شركة ان درايفر لعام 2022 ( indriver ) مع بيان السيارات المقبولة في ان درايفر الارباح و مميزات و عيوب الشركة
و اليوم اتيت لكم ببعض النصائح الهامة للعمل ككابتن اندرايفر من فم اصحابها -- بعض اخواننا الكباتن العاملين بالفعل كسائقين في شركة اندرايفر indriver -- اتيت لكم اليوم بها بدون اى تعديل من جانبنا كادارة للموقع و سوف نصل كل رأى أو نصيحة او ميزة او عيب عن الاخر و عذرا فهو مكتوب باللغة العامية المصرية و لكن نحن نصر على عدم تعديل اى حرف و تركها لكم كما هى و نبدء اولا مع 
ملحوظة : جميع ما ياتى بالاسفل على مسئولية اصحابة 

مميزات و عيوب العمل مع اندرايفر

كابتن محمد على .
1 - ان برنامج ان درايفر مازال جديد وتجريبى... ولكن احلى ما ف الموضوع ان الدعم يستمع اليك..
- نقطه الالتقاء
- نقطه الوصول
- تمن الرحله التى وافقت عليها مسبقا

2 - حق التخطى دون خوف من نسبه القبول او الالغاء
ولكن هناك بعض المطالب التى  تجنبنا الكثير من الحوارات والمشاكل ولكن  لابد ان نتكاتف ونسعى الى حلها وذلك لمصلحه الكباتن...
ضروره وضع بعض النقاط  ف الابلكيشن

مقترحات لشركة اندرايفر و حتى الان مازالت عيوب

 
1- تعريف الراكب ان الاجره المتفق عليها لاتتضمن رسوم البوابات عن طريق اضافه بند  ف خانه اختيار السعر 

2-ان يتم وضع سعر الرحله من قبل الشركه حسب المسافه وان يقوم العميل باختيار سعر ويكون للكابتن الحريه ف اختيار سعر البرنامج او الموافقه على السعر المقترح من الراكب

3- وضع رسوم  انتظار والغاء من طرف العميل بعد قبول الرحله من طرف الكابتن  وعشان اكون منصف يتم خصم هذه الرسوم ايضا على الكابتن  ف حاله موافقته على الرحله والسعر وقام بالغاءها او لم يتم الذهاب للراكب 

4- منعا للجدل  ان يكون التكيف اختيارى للكابتن للرحله التى تقل عن مبلغ 50ج. (خصوصا ان اعلى سعر مقارنه باى سعر ف اى برنامج اخر بيكون برضو ارخص) 

نصائح كابتن محمد للكباتن للعمل مع indriver


- اخواتى الكباتن 

- انت حر ما لم تضر 

- فكر ولو ثوانى...لو الكل اتفق واتحد على اختيار السعر الاخير (لانه برضو هيكون ارخص من اى برنامج اخر)  هيكون ف مصلحتك  واللة

- مش فهلوه منك انك تختار اى سعر حتى لو كنت غاز

- الراكب لما يلاقى اجماع على سعر الرحله من معظم الكباتن  هيقبل وهياخد اقرب عربيه له....

- مش فهلوه انك تخطف بالعكس ناس كتير قوووى من اللى كانوا بيركبوا اوبر بقوا يستخدموا البرنامج وهما بنفسهم اللى بيقولوا اعلى سعر ارخص برضو.

استطلاع راى خاص بالعمل مع اندرايفر مقارنة بشركات ااخرى 

الاستطلاع بالاسفل هو خاص باحد جروبات الفيس بوك المهتمة بعمل في INDRIVER

مميزات و عيوب و نصائح مهمة للعمل ككابتن اندرايفر (INDRIVER ) لعام 2022


نصائح للعمل مع أندرايفر من وجهة نظر كابتن محمد 


عزيزى وزميلى واخى  قائد وكابتن اندريفر
              (انت حر مالم تضر)
-  جرب كده لو راكب بشوش  ركب معاك  واساله سؤال واحد فقط؟؟

- ليه اختارت تركب اندريفر ولم تختار اى شركه تانيه 🚦

📌الاجابه📌

- اصل..... بقت اسعارها غاليه جدا والكباتن والعربيات هى هيه نفس الكلام اول ما شركات النقل الذكى انتشرت ف مصر اصل اامان عن التاكسى ووووالخ

- طب ماتيجو نحسبها ببساطه 

* لو اخترت اعلى سعر مناسب لمسافه المشوار  وانا اخترته والكباتن اللى هناك برضو اختاره وكلنا اختارنا اخر واعلى سعر 
عارفين ايه اللى هيحصل
الراكب..... هيبقى قدامه اختيار من تلاته ⁉️
1-انه يقبل باقرب سياره له لان السعر واحد من الكل .

2-هيقفل البرنامج ويحاول يفتحه تانى عشان السعر يقل او احد مننا يقبل بالسعر الادنى 
وهنا كباتن هتحاول تعوض السعر بطلب زياده ف الاجره فيتعرض لشكوى من الراكب  لانه بيعتبرها ابتزار له.

3-يفتح  برنامج تانى خالص  فيلاقى السعر عالى جدا ف يفتح ان درايفر تانى .

✳️ملحوظه✳️

والله والله زى ما ف راكب  بيستحل تعب وشقا الكباتن الشقيانه  بقا ف ناس  مراكز محترمه منهم وكلاء نيابه ودكاتره وناس كتير   بقوا بيستخدموا البرنامج

نكون او لا نكون
اخى وزميلى .. السعر الاخير مع اضافه ال 27٪ وفرق مابين 5الى 7ج هى نفس اجره اوبر  اللى كده كده الراكب كان بيدفعها

متنساش نسبه الشركه  اللى هتاخدها بعد كده

اللهم بلغت اللهم فاشهد...

ربنا يستر طريق كل واحد ويرجعه لبيته وعياله واهله سالم غانم

من مميزات برنامج اندرايفر من وجهة نظر كابتن INDRIVER

رغم وجود بعض  العيوب ف برنامج اندريفر اللى نطالب بها  دوما وذكرنها ف البوستات السابقه
الا ان هذا البوست  من المفترض  ان كل كباتن اوبر وكريم واندريفر ... ان يقدموا كل الشكر  لهذه الشركه رغم انها مازالت تحتاج الدعم وتصحيح بعض النقاط ف الابلكيشن

- عزيزى وزميلى اللى بتقول على البرنامج ده انه وحش ووووالخ المفروض تراجع نفسك وهقولك ليه⁉️

- منذ شهرين  بالظبط  ابتدت اوبر وكريم بحمله واسعه   بتستغنى عن شركاءها ببلوكات وحظر ووووالخ
.... ولكن تاتى الرياح بما لا تشتهى السفن....

- ف هذه الفتره  انتشرت اندريفر جدا واصبح يستخدمها ناس اصلا عملاء دائمين لاوبر وكريم واصبح لعميل اندريفر عند طلب توصيله  اكتر من كابتن  يعرضون سعرهم
(مع انى مازالت متحفظ على القله التى تقبل باقل سعر  لانه ماجر العربيه او غاز او..... الخ  على الرغم  انه باختياره اعلى سعر هيبقى اقل من اجره اوبر)
- لما الاعلانات عن قبول شركاء جدد يبقى ايه

- الريت ف الفتره الاخيره اصبح عالى جداا
واظن الكل ملاحظ ده.. نظرا لقله عدد السيارات ف المنطقه

- مبقاش ف وقت طوييل بين الرحلات كما كان السابق وده برضو لقله عدد الكباتن

- واخيرا محاوله لارضاء الكباتن  بتسويه المديونيه

على ما اعتقد ان كل اللى فات ده يقول شاااابووه ااندريفر
هزيتى عرش اوبر 

- لما يركب معاك ف اندريفر الدكتور والمحامى والطالب والموظف  يبقى هى ماشيه على الطريق الصحيح

- اينعم هناك عملاء بيستحيل تعب وشقا الكابتن ويضع سعر اقل مع ان ثمن علبه السجاير اللى بيشربها بتبقى اغلى من الاجره 
- برضو هرجع واقول العيب على الكباتن اللى هوايتها الخطف اى مشوار باى سعر
اللى عاوز اقوله....

* ياجماااااعه  طول ما فيه شركات يعنى فيه منافسه وارضاء للكابتن والعملاء وده ف مصحلتنا
انا ككابتن يهمنى مصلحتى وبيتى  واكل عيشى

نصائح لسائقين اندرايفر الجدد

انت حر ما لم تضر ♣️
                  🛑من فضلك احسبها صح 🛑

🔕 موجهه للكباتن التى لا يهمها الا مصلحتها فقط  🔕

📌ذكرنا مرارا وتكرارا ان باختيارك اعلى سعر مناسب لمسافه المشوار هيكون ارخص من اوبر وكريم 

📌العميل من حقه انه يدور على المعادله الصعبه خدمه جيده وسعر قليل.. وكلنا هنعمل كده لو مكان العميل

⌛لكن من فضلك... لو سمحت بلاش تظلم زملاءك قبل ما تظلم نفسك

1 - مش شطاره منك انك توافق وخلاص على اى سعر.

2 - شوف المسافه اللى هتروحها لحد العميل  قد ايه ده مش محسوبه وشوف المسافه اللى هتوصل للنقطه الوصول

3 - لو انت مش ملم وع درايه بالطرق والكبارى ممكن مشوار ع سبيل المثال ف البطراوى م. نصر تلف من اول عباس عشان تقدر تدخل البطراوى

4 - قبل ما تقول موافق بسرعه  وتخطف الريكوست  بص على المسافه واضربها ف *3ج العميل ليس غبى ... بيدور على مصلحته باقل سعر
- بيختار اللى بيوافق على اللى هو كاتبه
- ساعات بيختار العربيه كمان
- ساعات بيختار شكل الكابتن

5 - اااجماعه اقسم بالله احنا اللى بنعمل ف نفسنا كده 

6 - متبصش تحت رجلك وتتبع سياسه اخطف واجرى

- لازم نكون ايد واحده ااجماعه
🚦اللهم بلغت اللهم فاشهد  وبكرر لحد دلوقتي الشركه لم تاخذ نسبيتها ⁉️

➖⛔➖⛔➖عااااااااااااجل. تعديل للبوست⛔➖⛔

اليوم الجمعه
قامت اوبر بتعديل تعريفه الركوب
بدل فتح الرحله 7.25🔚8.00ج
الكلام ده بسبب تواجد منافس شرس  اسمه اندريفر خلها تعدل من سياستها
🗣️عشان كده بطلب من الساده الكباتن  اللى شغالين اندريفر  لو سمحتم متقبلوش باى سعر ... اعلى سعر هيكون ارخص من اوبر...


الربح من شركة اندرايفر 2022


و عن بوست كيف تربح من العمل مع اندرايفر فكان هذا احد البوستات الخاصة 

- الراكب  اختار اندريفر لانه ارخص من اوبر

- فاعلى سعر ف اندريفر هيكون برضو ارخص من اوبر

- اللى مش عارف او مش فاهم او مبيعرفش يشتغل على البرنامج هقولك على طريقه سهله جدا جدا لما يجيلك ريكوست قبل ماتدوس موافق
بص على تلاث حاجات
1-المسافه اللى هتروحها للعميل  قد ايه اكتر من 700م تجاهل الطلب.. اكيد حد قريب منه هياخد العميل

2-شوف عدد  الكيلوهات واضربها ف 3ج ومتنساش ان معندكش فتح عداد او انتظار او زحمه بتتحاسب عليها 

3-متعملش قبول وخلاص لمجرد انك شفت مبلغ اكتر من 50ج

4 -  الناس اللى بتعمل فهلويه وتقولك هتفاوض مع الراكب واطلع منه بمصلحه ثق تماما ان الراكب مش غبى هيعمل شكوى وتقعد تقول الحقونى اتعملى بلوك

5 - ليه تخلى الناس تتريق  عليك او تبصلك بصه مش حلوه لانك لو سارق العربيه مش هتروح بالسعر ده

عيوب عليك تلافيها عند العمل مع اندرايفر

           🚦   🗣️ نصائح للساده الكباتن 🗣️🚦

ف ظل المنافسه اللى البعض شايفها كويسه والبعض غير راضى عنها
كان ف اوبر وكريم ثم استحواذ اوبر على كريم ثم ظهور اندرايفر وظهور بعض البرامج الاخرى مثل (وينجو/دابسى/way/سويفل /...... الخ واخيرا DiDi

📌📌 احب اقول ان ده كله ف مصلحه الكباتن والعملاء منع الاحتكار  وتنوع الاختيارات

⛔ اوبر نسيبتها ٢٧٪⛔ف انتظار ،وفتحه عداد ٨ج⛔

⛔ رحله مجبر تقبلها  ومتبقاش عارف انت رايح فين وبكام 🚦اندريفر  مفيش نسبه حتى الان

🚦اسعارها زهيده بسبب الكباتن اللى بتقبل باى حاجه وعملاء بتستحل تعب وشقا الراجل الشقيان

🚦طبيعه المصرى (الفصال)

👌وبما ان الجروب خاص بكباتن اندريفر وتتلخص معظم المشاكل فالتسعيره  العادله للمشوار  والثغره الموجوده ف البرنامج ويستغلها بعض الساده العملاء
       
   الموضوع ف منتهى منتهى البساطه
       ➖✳️➖✳️➖✳️➖✳️➖✳️➖✳️➖✳️➖✳️

1-لك مطلق الحريه ف قبول او تخطى الطلب دون خوف من نسبه القبول او معدل الالغاء

2-اختار المشوار اللى بينك وبين العميل مسافه لاتزيد عن كيلو بحد اقصى ممكن زميل لك اقرب منك هو اولى
(لان العميل بيختار ااقل سعر ثم العربيه نوعها ايه) 

3-شوف المسافه واضربها *3ج وبص على الوقت قبل ماتقبل

4-باختيارك اعلى سعر هيكون ارخص من سعر اوبر وكريم
(شامل التكيف/والازدحام) والعميل عارف ده كويس لان مفيش سعر للدقيقه ولا احتساب كيلوهات زياده عن نقطه الوصول

5-ف حاله طلب العميل نقطه غير المحدده (اكتر من 500متر) اطلب منه بادب انه يطلب رحله جديده  منعا لتجنب اخذ مبلغ زياده  او يتم ذلك بالتراضى

6-الزملاء اللى بتقبل باى سعر بقصد او بدون قصد او محسابهاش كويس او عربيتك غاز او زى ما الناس بتقول موديل قديم.. الخ
والله والله انت كده بتاذى غيرك قبل ماتاذى نفسك وراعى
الصيانه،الزيت،الاستهلاك ،الوقت اللى ممكن تكسب فيه اكتر وتستفيد بسعر كويس للمشوار

♣️انت حر مالم تضر♣️

7-الزملاء الافاضل.. عندما ترى سعر رحله غير عادل او ملعوب ف السعر قدامك حاجه من اتنين
يا تعمل تخطى skipاو تعمل شكوى للعميل ده عشان لما انا وانت وغيرك يعمل ده العميل المحترم اللى رفض الزياده اللى فرضتها اوبر ولجاء لاندريفر يكتب سعر بما يرضى الله

8-تذكر دائما انك تقدم خدمه بمقابل فلازم تكون الخدمه تستاهل التعب والسعر العادل (بعربيتك،او المؤجره) 
لو احد عنده اى اضافه حابب يزودها ف هذا المنشور اللى هيكون مثبت ياريت يكتبها ف كومنت وسيتم اضافتها

🔕ملحوظه 🔕

الناس اللى بتقبل باى سعر  غالبا  العملاء لا تقيم الكابتن لانه بيعتبر انك قليل ورضيت بالقليل
ولما الكل يطلب السعر الاخير العميل هيعرف ان ده سعر جميع الكباتن وده السعر العادل
لانه برضو  لن يقيمك ولو قيمك هيقول اى حاجه وخلاص
لم يصل ،الاخلاقيات ،يديلك نجمه فالبرنامج تلقائى هيكتب غير مهذب
وعميل وراء عميل اكونتك هيغلق سيستم تلقائى
ياريت نفهم كده

♣️♣️♣️♣️النقطه ده مهمه جدا جدا ♣️♣️♣️♣️

بقبولك اى سعر غير عادل لاى رحله انت كده بتضر الكباتن اللى شغالين اوبر وكريم  لان حجم الشغل هيقل لان العميل عاوز الارخص ف بيضطر الكباتن دى انها تشتغل اندريفر وبكده عدد العربيات هيزيد والعميل هو المستفيد والكباتن هتبقى هى المتضرره لقله الشغل والبحث على اى مشوار
ياريت نفهم النقطه دى
الحل هو
ان نتحد على اختيار يا السعر الاخير او اللى ف المنتصف

نصيحة لسائقين اندرايفر


مما لاشك فيه ان معظمنا بيعافر ف الحياه اليوميه بينزل بعربيته وده لانه اصبح مصدر رزقه الاساسى  والبعض بيشتغل كمصدر دخل اضافى يساعده على متطلبات الحياه
 وانهارده انا هتكلم عن شركه اندريفر اللى بسببها والكل اااكيد لمس ده  تراجعت اوبر عن جزء من كبرياءها  وده لمصلحه الكابتن.. وده ف حد ذاته إنجاز
كان نفسننا ف وقفه او صوتنا يوصل  وبظهور اندريفر اتعملت الوقفه بطريقه غير مباشرة من الكباتن لاتجاه مش هقول الكل لا بل على الاقل تلتين الكباتن ما بين جرب او حاول او فتح الابلكيشن وده خلى عدد  مش قليل من العملاء يتجه الى الارخص.. 
بخلاف ظهور منافس سيدخل السوق  شركه ديدى وان كان اشتغل بالفعل ف اسكندريه
اللى عاوز اقوله بعد غلاء تسعيره البنزين 
ارجو من جميع الساده الكباتن المحترمين اختيار السعر الاخير

🔕لو عربيتك غاز...... ولادك اولى بالفرق

🔕لو عربيتك موديل قديم... اختار السعر الاوسط

🔕محدش يوافق على السعر المطروح من العمييل الا لو حسيت انه سعر عادل

🔕احسب المسافه صح  وشوف المسافه اللى هتروحها للعميل ومتنساش انت معندكش اوبشن فتح بدايه الرحله زى اوبر

🔕عزيزى الكابتن.. بغلو البنزين ثق تماما ان الزيوت وقطع الغيار تمنها هيزيد .. اذا كان اجره الميكروباص زدات

و في النهاية نتمنى ان نكون وفقنا كأدارة موقع فى عرض مميزات و عيوب و نصائح مهمة للعمل ككابتن اندرايفر (INDRIVER ) لعام 2022 من وجهة نظر كباتن اندرايفر انفسهم بدون اى تعديل من جانبنا .
هل اعجبك الموضوع :

تعليقات

تعليق واحد
إرسال تعليق
  1. كلامك مش صح و بتحاول تقنع الناس بطريقة تفكيرك المقال كلة مش صح و من وجهة نظرك فقط

    ردحذف

إرسال تعليق

    close
    close