U3F1ZWV6ZTIwMDY2MjExOTEzMjJfRnJlZTEyNjU5NTAxNjE0OTI=

chery arrizo 5 | مواصفات ومميزات وعيوب شيرى اريزو 5 | تحليل كامل

chery arrizo 5 / مواصفات و عيوب شيرى اريزو 5 و تحليل كامل

chery arrizo 5 / مواصفات و عيوب شيرى اريزو 5 و تحليل كامل

 

السلام عليكم اعزائى اعضاء مدونة osramsrya الكرام لكم منا الف تحيه و تقدير 
استكمالا لما بداناه من تحليل لسيارات اقتصاديه تناسب اى اسره مصريه و كما تحدثنا في المقال السابق حول الرائعه 
m 11 speranza التى لا يعرفها الكثيرون و حتى نكون منصفون حول هذه العائله التى تجاول اثبات نفسها منذ العام 2006 بدايه من speranza 516 و مرورا ب tiggo  بفئاتها المتعدده و cherry enfy  التى لم تلقى حظها في السوق المصريه كمثيلاتها السابقين و انتهاء بarrizo 5 2020  و من وجهه نظر هاوى و ليس محترف تحليلات نحاول عرض تقرير للسياره من خلال تجربه شخصيه و من خلال مالكين السياره سواء بالسلب او بالايجاب 


بدايه السياره في معرض بكين عام 2014 مع اول ظهور في الشارع عام 2015 يدخل منها الى مصر بعض النسخ المصريه و لكن لا يلتفت اليها المصريون كالعاده حتى اعلنت شركه (جى بى غبور اوتو ) المتخصصه في مجال تجميع و توزيع السياره .و الموزع الحصرى لشركه شيرى عن طرح اريزو 5 المجمعه محليا 
حسب تصريح للمهندس رووف غبور رئيس مجلس الاداره بتلبيه حاجه العميل المصرى من خلال حصوله على سياره عالميه بسعر تنافسي يناسب القوة الشرائيه للشريحه العظمى من العملاء 


الوهله الاولى 

السياره من الامام ذات شكل محبب للنفس غنى بلمسه جماليه كوريه بعض الشىء . مصابيح اماميه هالوجين بتحديدات نيكل كروم و مصابيح ليد نهاريه مع اضفاء التميز بوجود علامه اريزو مدموغه داخل المصباح من الجهه العلا لمحاوله اثبات انك امام سياره اغلى من ثمنها (بالبلدى كده ) شبكه تحمل علامه شيرى فى المنتصف يمتد منها خط كامل بعرض السياره الى داخل المصابيح (فخامه فخامه مفيش كلام) 
.. الملاحظ عدم وجود فوجات و استبدالها فقط ب مصابيح ليدات نهاريه .. السياره من الجنب بها sholder line ممتد من الاول للاخر مرور بمرايات جانبيه كبيره مميزه باشارات جانبيه مدمجه بالمرايا  اما من الخلف لا تقل الاريزو جمال عن الامام من حيث اللمسه الجماليه فبها بروز خلفي  لتشعرك انها سبويلر صغير بعض الشىء مع خط يزيل باب الشنطه الخلفى من النيكل كروم 
كاميرا خلفيه باللون الاسمر (الفئه العاليه فقط )

 خلاصه النظره المبدئيه للسياره  

لن تشعر انك امام سياره صينيه اطلاقا من حيث الشكل الخارجي فهى اقرب للكورى اكثر من حيث انسيابيه و جمال التصميم الامامى و الخلفي مرورا بالجانبين 


الوصف و الكماليات

موتور 1500 سى سى ///قدره 114 حصان//عزم 141 عند 3800 لفه // فتيس اوتوماتيك cvt /// سعه تانك 48 لتر تر بنزين // وزن اجمالى 1300 كيلو /// شنطه خلفيه 430 لتر و هى جيده  لهذه الفئه الاقتصاديه // الطول 4.57 // العرض 1.82 // الارتفاع 1.48 // ارتفاع 20 سم عن الارض//  العربيه جر امامى // فتح شنطه بالريموت // تحكم في حركه المصابيح من الداخل // مرايات كهرباء // 2 وسائد هوائيه (يرباج ) /// جنوط 16 بوصه رياضيه // مثبت سرعه // حساس ركن خلفي للفئه التانيه و التالته // خاصه auto down  للزجاج  /// 

الوصف الداخلى و الكماليات من الداخل 

عند فتح باب السياره ستشعر بالفخامه و الاطمئنان من حركه فتح الباب من الداخل للخارج .
 باب (تقيل محمل ) بفرش فيبر من الداخل للاربع ابواب  مع مسند جلد 
.. سماعات ابواب شيك جدا مع دمغ علامه الاريزو في السماعات ..... عند الجلوس خلف عجله القياده تجد تابلوه اوروبي شيك جدا ب طاره ثلاثيه الازرع بها مثبت سرعه و تحكم كامل في الميديا 
مخدع يد للسائق من الجلد مع وجود اماكن تخزينيه للاكواب بالاضافه للعلبه تحت مخدع اليد الخاص بالسائق / فرش جلد مطرز (الفئات التانيه و التالته فقط )
التحكم على يسار السائق نجد بالباب ازرار لوك الزجاج و الابواب  مع ملاحظه ان الجلوس خلف الطاره كسائق يتيح لك رؤيه كل ابعاد السياره مع سهوله التحكم الكامل في كابيه القياده 



مميزات وعيوب شيري اريزو 5

الكراسي الاماميه لها 6 وضعيات يعمل بنظم هيدروليكى للارتفاع و الانخفاض مع تحكم ضبط الطاره للاعلى و الاسفل 
عدادات السياره اقل ما يقال عنها انا جذابه جدا بانوار مريحه للعين (النور النيون الابيض ) 
التقفيل الداخلى للسياره كله من ماده البلاستيك ورغم ذلك يشعرك بالفخامه 
 درج تابلوه غير مضئ صغير نسبيا  مع ملاحظه عدم وجود ضوء بالسقف الا الجانب الامامى فقط 
التكييف جيد و غير مؤثر الى حد كبير بالسياره 
فتحه سقف بالسياره (الفئات التالته ) تعطى منظر جذاب بداخل السياره و اضاءه جيده نهارا 
المقعد الخقى قابل للطى مع اتساعه ل 3 افراد متوسطين و حريه في وضع الاقدام مع ملاحظه ارتفاع  جيد للسقف بالنسبه للجالس في الخلف حتى لو كان طوله 185 سم 
لايوجد اى فتحات في الكنسوله للجالس في الخلف للتكييف 
العربيه فيها شاشه 7 ترتبط بالتليفون ببلوتوث  // السياره مزوده ب خاصيه follw me تستمر معك الاضاءه بعد النزول من السياره بمده تحددها قبل النزول لتنير لك الطريق امام السياره 

اسعار سيارة شيرى اريزو 5 كل الفئات

الفئة الاولى              m/t            بسعر 171 الف جنية 

الفئة الثانية m/t  leather             بسعر 173 الف جنية      

الفئة الثالثة    baseline l              بسعر 194 الف جنية 

الفئة الرابعة            h/l               بسعر 205 الف جنية 


مميزات السياره شيرى اريزو 5

 بالنسبه لسعر السياره في الثلاث فئات السعريه فهى ممتازه و ان كنت تطمح في سياره تقدم اداء فوق ماتقدمه chery arizzo 5 فلتذهب لتملك سياره المانيه 
                                        
 هتلاقي ناس كتير كانت هتجيب تيبو ب 258 الف جنيه و غيرت رايها و جابت اريزو 5 ب 200 الف جنيه و مرتاحين جدا للسياره 
                                      
                                        الوكيل كويس و بينجح اى عربيه و لو مش مصدق اسال الفيرنا 
                             

 عيوب السياره شيرى اريزو 5

ناس كتير خايفين من الفتيس  و طلعوا اقاويل كتير جدا عن الفتيس دا لارتباط اذهانهم ب tiggo 3  و تغيير بعض ملاكها موتور السياره و فتيسها بلانسر ... لكن حتى الان لا شكاوى من الفتيس 

الشاشه لازم  تعمل ابديت و ينزلها برنامج عشان تتوافق مع الموبايل مع عدم وجود فتحه aux 

بعض الناس للمره الاولى بيقولوا العربيه بتحدف شمال  لكن اعتقد ان ده كلام غير صحيح رجعوا ناس تانيين قالوا الدريكسيون فيه سنه لوحه شمال مخليك مش مرتاح لكن الغالب و الصح ان الحدفه كانت موجوده فعلا في النسخه القديمه و بعد تضبيط الزوايا الامور بقت تمام 

قطع غيار قليله بعض الشى وده طبيعي لان العربيه لسه نازله 





الخلاصـــــــــــــــــــــــــــــــه

مفيش عربيه مفيهاش عيوب  لكن اذا كان فيه توكيل بتقدر تحل فيه مشاكل العربيه اللى بتظهر يبقي خليك مع العربيه 
لو التوكيل بيحاول يعدل من نفسه و يهتم باراء الملاك الموجودين للسياره حاليا و بيحاول يعدل للافضل يبقي خليك معاه و اشترى منه العربيه 

انما الوكيل اللى بيرمى العربيه في السوق و لا بيسال عنها و لا عن ملاكها انصحك الا تشترى عربيته حتى لو ببلاش 










تعليقات
تعليق واحد
إرسال تعليق
  1. الموقع ممتاز امال مشاكل ايه اللى قايل عليها ادسنس ينشكوا فى ودانهم

    ردحذف

إرسال تعليق

الاسمبريد إلكترونيرسالة